Forbes jurnalı Rusiyanın ən varlı 200 sahibkarının 2015-ci il siyahısını açıqlayıb.
Oxu.Az xəbər verir ki, siyahıda 6-cı yeri “Lukoyl”un prezidenti Vahid Ələkbərov tutur. Onun sərvəti 12,2 milyard dollar təşkil edir. İl ərzində onun sərvəti 1,4 milyard dollar azalıb.
46-cı yerdə “Krokus” şirkətlər qrupunun rəhbəri Araz Ağalarovdur. İl ərzində onun sərvəti 0,1 milyard dollar artaraq 1,9 milyard dollar təşkil edib.
57-ci yerdə Fərhad Əhmədovdur. Onun sərvəti 1,4 milyard dollar təşkil edir.
AST şirkətlər qrupunun prezidenti Telman İsmayılov 0,6 milyard dollarla 144-cü yerdədir. İl ərzində onun sərvəti 0,15 milyard dollar azalıb.
Reytinqə “Norilski nikel”in direktoru Vladimir Potanin başçılıq edir (15,4 milyard dollar), ikinci yerdə biznesmen Mixail Fridmandır (Alfa-qrup, X5 Retail Group və b.). İl ərzində onun sərvəti 3 milyard dollar azalaraq 14,6 milyard dollar təşkil edib.
Üçüncü yerdə Alişer Usmanovdur (“Meqafon”, “Metalloinvest”, Mail.Ru və b.). Onun sərvəti il ərzində 4,2 milyard dollar azalaraq 14,4 milyard dollar təşkil edib.
