İçərisində azərbaycanlılar da olan gəmi fırtınaya düşüb.ANS PRESS-in məlumatına görə, Sent Vinsent bayrağı altında üzən və içərisində 1200 ton yük olan gəmi Türkiyədən Tunisin Bizerte limanına getmək üçün yola çıxıb. Lakin gəmi Kirit adasının cənubunda fırtınaya düşüb.
Gəminin fırtınaya dözə bilməyəcəyini görən türk kapitan yunanlardan kömək istəyib. Səhər saatlarında onlara gəmini tərk etmək əmri verilib. Ancaq kapitan son anda gəmiyə nəzarəti bərpa etdiyini deyərək bu əmrə riayət etməyib.
Günorta saatlarında hava yenidən kəskinləşib. Kapitan kömək üçün ikinci dəfə müraciət etməli olub.
Yunan Dəniz Qüvvələrinə məxsus Super Puma tipli helikopter gəmidə olan 3 türk, 2 azərbaycanlı və 1 gürcünü xilas edib. Xilas edilən gəmi heyəti Souda limanında xəstəxanaya yerləşdirilib.
Yunanıstanın təhlükəsizlik qüvvələri limandan 1,5 mil uzaqda kimsəsiz qalan gəmiyə nəzarət edirlər.
