Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed ən-Nəhyan BMT-nin Dubayda keçirilməsi nəzərdə tutulan COP28 iqlim konfransında Rusiya və Ukrayna prezidentlərini bir araya gətirmək istəyir.
Elchi.az xəbər verir ki, bu barədə Livanın fransızdilli qəzeti “L’Orient-Le Jour” Qərb və Ərəb diplomatlarının eksküliziv məlumatlarına istinadən məqalə yayımlayıb.
Bildirilir ki, hələ Putin və Zelenskinin konfransda iştirak edib-etməyəcəyi, həmçinin, dəvət olunub-olunmaması haqda məlumat yoxdur.
Nəşrin yazdığına görə, BƏƏ prezidenti bu plan haqda ABŞ Prezidenti Co Baydenə də məlumat verib. Bayden də bunu bəyənib və görüşün həyata keçirilməsi üçün lazımi yardımı göstərmək istəyib.
Qeyd edək ki, BMT-nin iqlim məsələləri ilə bağlı COP28 konfransı 30 noyabrdan 12 dekabra qədər keçiriləcək.
