Əməkdar artist, “Bakılı oğlanlar”, “KVN” teatrının aktyoru Bəhram Bağırzadə rus dilində etdiyi paylaşımlara görə yenidən tənqid hədəfinə çevrilib.
Elchi.az xəbər verir ki, o, aktiv istifadə etdiyi 348 minlik “İnstagram” səhifəsində tez-tez rusdilli paylaşımlar edir.
Bu dəfə həmkarı Azər Məmmədovun görüntülərini paylaşan aktyor tənqidlərə məruz qalıb.
İzləyicilərin bir qismi aktyoru rus dilində danışdığı üçün qınaq atəşinə tutub.
Onlar Bağırzadəyə “Bir dəfə görmədik ki, türk dilini təbliğ edəsiniz…”, ” Ancaq rus dilində paylaşım edirsiniz, kitabları başa düşdük, xaricdə də oxunması üçün belədir, bəs burda azərbaycanlı izləyici kütləsi ola-ola niyə edirsiniz? Çoxmu çətindir ana dilində yazıb-danışmaq?” – kimi şərhlər yazıblar.
