“İnsanlardan başqa canlıların duyğuları yoxdur” tez-tez istifadə olunan sözdür. Lakin həyatın içindəki anlar, yaşanmış hadisələr və hekayələr bu sözləri yalanlayır. Bu nümunələrdən biri də Hindistanda yaşanır.
Cebhe.info xəbər verir ki, Hindistanda ağıllara sığmayan hadisə yaşanır. Dörd il əvvəl balasını əzən avtobusu “yaddaşına” yazan inək hər gün onun yoluna çıxıb sürücünün getməsinə maneə törətməyə çalışır.
Hər gün yolunu kəsir
İnək balasının ölümünə səbəb olan avtobusu dörd ildir hər gün təqib edir. Nər gün önünə çıxıb yolunu kəsir və getməsinə mane olmağa çalışır. Görünür, balasının ölümünə səbəb olan sürücünü bağışlamır, bir yandan da baş verən bu hadisədə ədaləti axtarır.
Nə etsələr də, mane ola bilmədilər
Hadisə Hindistanın Şimali Kamataka bölgəsindəki Sirsiz şəhərində baş verib. Qazanın üstündən dörd il keçməsinə baxmayaraq, kədərli inək hadisəni unutmayıb. Sürücü ilk başlarda inəyin bu hərəkətinin zamanla azalacağını düşünsə də, daha sonralar hər gün eyni hadisə ilə qarşılaşınca avtobusun rəngini dəyişdirib. Ancaq nə etsə də, dörd ildir inəyin hər gün qarşısına çıxmasına mane ola bilməyib.
Başqa avtomobillərə və insanlara qətiyyən toxunmur
İnək yol üstündə digər avtomobillərə və insanlara qətiyyən toxunmur. İnəyin dörd ildir balasının öldüyü bölgədə yaşadığı, bu bölgədən heç ayrılmadığı bildirilir. İnəklər Hindistanda müqəddəs heyvan kimi tanınır və insanlarla birlikdə yaşayır, özlərinəq arşı xüsusi hörmət görürlər.
