Azərbaycan Avrasiya İttifaqına daxil ola bilər, amma bu, Ermənistanla ərazi münaqişəsinin həllindən sonra mümkündür.
Məlumata görə, bu barədə Azərbaycan xarici işlər naziri Elman Məmmədyarov Rusiyanın “Rossiya-24” telekanalının efirində bildirib.
Onun sözlərinə görə, Azərbaycan üçün Avrasiya İttifaqında ən maraqlı məsələ Avropa Birliyinin (AB) “Şərq tərəfdaşlığı” layihəsində olduğu kimi azad ticarət zonası ilə bağlıdır: “AB ilə bu real deyil, çünki biz Dünya Ticarət Təşkilatının üzvü deyilik. Avrasiya İttifaqına gəldikdə isə orada böyük rolu Gömrük İttifaqı oynayır”, – deyə Elman Məmmədyarov vurğulayır.
“Ermənistan tərəfindən ərazilərimizin işğal edilməsi bizə Ermənistanla vahid Gömrük İttifaqında təmsil oluna bilmirik. Əgər Ermənistan qoşunlarını geri çəkərsə, sərhədlər açılar, vəziyyət normallaşar, Ermənistanla Azərbaycan arasında iqtisadi əlaqələr bərpa olunar. Kim bilir, bəlkə də bu, sabah olacaq”, – deyə Elman Məmmədyarov vurğulayıb.
