Bakının təsdiq edilmiş Baş planına əsasən, 2025-2039-cu illərdə 21 metro stansiyası istifadəyə verilməlidir. Yəni orta hesabla hər 9 aya bir stansiya tikilməlidir ki, bu plan reallığa çevrilsin.
Elchi.az xəbər verir ki, bu sözləri enerji və nəqliyyat məsələləri üzrə ekspert İlham Şaban Bakının ötən gün təqdim edilən Baş planı haqda fikirlərini bölüşərkən qeyd edib.
“Reallıq isə ondan ibarətdir ki, indiyə qədər inşası orta hesabla 40 aydan tez yekunlaşan stansiya olmayıb. 2012-ci ildə də hökumət proqnozlaşdırırdı ki, 2030-cu ildə Bakıda 70 metro stansiyası olacaq”, – ekspert bildirib.
