Bakının Sabunçu rayonu, Balaxanı qəsəbəsində “Təmiz Şəhər” ASC-nin Bərk Məişət Tullantılarının Çeşidlənməsi Zavodunda (BMTÇZ) məişət tullantılarının çeşidlənməsi zamanı silah-sursat hissələri aşkar olunub. 
Zavodun mətbuat xidmətindən ANS PRESS-ə verilən məlumata görə, tapılan əşyalar polisə təhvil verilib.
“Təmiz Şəhər” ASC-nin təhvil-təslim aktı ilə 12-ci polis bölməsinə təqdim etdiyi silah hissələri bunlardır:
1) 161 ədəd 7.62 çaplı təlim patronu
2) 38 ədəd 7.62 çaplı patron
3) 9 ədəd 5.45 çaplı patron
4) 2 ədəd radioötürücü
5) 1 ədəd radioötürücünün cərəyan dolama cihazı
6) 1 komplek hərbi durbin
7) 1 ədəd PDM-2 30 mm-lik mərmisi
8) 1 ədəd tüfəng qundağı
Qeyd edək ki, BMTÇZ Bakı şəhərindən toplanmış bərk məişət tullantılarını növlərinə görə (metal, şüşə, plastik, kağız) ayırmaqla məşğuldur. Bu zavodda çeşidlənmiş tullantılar təkrar emal üçün hazırlanır.
