Apteki talayan şəxsi polis yaxalaya bilib
Bakıda aptekə hücum edən şəxs tutulub. Bakı şəhər Baş Polis İdarəsindən ANS PRESS-ə verilən məlumata görə, əməliyyat Nərimanov rayon Polis İdarəsinin Cinayət Axtarış Şöbəsi, Təhlükəsiz Şəhər Xidməti və 18-ci polis bölməsi əməkdaşları tərəfindnə keçirilib.
Keçirilən birgə əməliyyat-axtarış tədbirləri nəticəsində Yevlax rayon sakini, 1986-cı il təvəllüdlü Röyal Məmmədov tutulub.
Saxlanılan şəxs fevralın 2-də saat 21:30 radələrində Ceyhun Hacıbəyli küçəsində Zəkiyyə İsmayılovaya məxsus aptekə daxil olub, bıçaqla Bakı şəhər sakinləri – Z.İsmayılovanı və orada əczaçı işləyən Almaz Əmirovanı hədələyərək, quldurluq yolu soyğunçuluq edib.
29 yaşlı gənc kassadan 280 manat pulu talamaqda günahlandırılır.
Faktla bağlı araşdırma aparılır.
ANS PRESS
