Avtobus sürücüsü piyadanı vuraraq öldürüb
Bakıda sərnişin avtobusu ölümə səbəb oldu. Daxili İşlər Nazirliyinin mətbuat xidmətindən ANS PRESS-ə verilən məlumata görə, hadisə Sabunçu rayonunun B.Bünyadzadə küçəsində baş verib.
Belə ki, ötən gün adıçəkilən küçədə müəyyən edilməmiş avtomobillə yolu keçən Bakı şəhər sakini Pəri Mahmudova vurulub. Nəticədə piyada hadisə yerində ölüb.
Sabunçu RPİ 12-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni “Daewoo” markalı avtobusun törətdiyi bəlli olub. Nəqliyyat vasitəsinin sürücüsü Bakı şəhər sakini Rafael Tağızadə tutulub.
Araşdırmalar aparılır.
ANS PRESS
