Güləş üzrə kişilər arasında 59 kq Yunan-Roma yarışında 1/4 final oyunları baş tutub.
ANS PRESS-in məlumatına görə, bu mərhələdə iki erməni əsilli idmançı üz-üzə gəlib. Ermənistan təmsilçisi Roman Amoyan Rusiyanı təmsil edən erməni əsilli Stepan Maryanyanla güləşib.
Rus idmançının aşkar üstünlüyü ilə keçən yarışdan Stepan Maryanyan 4:0 hesablı qələbə ilə ayrılıb.
Yarımfinal mərhələsində Rusiya idmançısı Azərbaycan təmsilçisi Elman Muxtarovla münasibətlərinə aydınlıq gətirib. Gərgin keçən görüşdə rus güləşçi 4:1 hesabı ilə qələbə qazanıb və finala çıxıb.
Azərbaycan təmsilçisi Elman Muxtarov isə medal ümidini hələ ki davam etdirir. Təmsilçimiz növbəti mərhələdə rus idmançısına uduzan Roman Amoyanla mübarizə aparacaq.
