Son vaxtlar Bakıda fəaliyyət göstərən taksi şirkətlərində qiymət artımının olduğu deyilir.
Axar.az xəbər verir ki, paytaxt sakinləri eyni məsafəyə bəzən fərqli – baha qiymətə getdiklərini bildirirlər.
Ötən ilin mayında taksi şirkətlərinin qiymətini araşdıraraq, ən ucuz taksi xidmətini müəyyən etmişdik. Vətəndaşların taksi şirkətlərinin qiymətləri qaldırması ilə bağlı dediklərini nəzərə alaraq, həmin şirkətlərə zəng edib, qiymət artımının olub-olmamasını yoxladıq.
Ünvan olaraq isə ötən il olduğu kimi, Bakının Binəqədi rayonu, 7-ci mikrorayonunda yerləşən keçmiş Beynəlxalq Universitetdən “İçərişəhər” metrosu istiqamətini (məsafə 10-12 km – red.) seçdik.
Araşdırmanın nəticəsindən məlum oldu ki, ötən ilə nisbətən 5 şirkətdən yalnız üçünün qiymətində dəyişiklik – 50 qəpik-1 manat arasında ucuzlaşma olub.
*9111 – Ekonom taksi
Ötən il: 5,20 manat
Bu il: 5,20 manat
*2424 taksi
Ötən il: 5,70 manat
Bu il: 5,70 manat
*5959 Felix taksi
Ötən il: 5,70 manat
Bu il: 5,20 manat
*8844 – Siti taksi
Ötən il: 6,20 manat
Bu il: 5,20 manat
189 taksi xidməti
Ötən il: 7 manat
Bu il: 5,90 manat
Qeyd: *9933 taksi şirkəti ilə əlaqə yaratmağa çalışsaq da, mümkün olmadı.
