Azərbaycanda Ermənistanın tarixini bilən, erməni dilli mütəxəssislər hazırlanacaq.Bu barədə azvision.az-a Azərbaycan Milli Elmlər Akademiyasının (AMEA) İctimaiyyətlə əlaqələr şöbəsinin mütəxəssisi Baba Əliyev məlumat verib.
O, bildirib ki, AMEA-da Qafqazşünaslıq İnstitutu yaradılıb: “İnstitutun nizamnaməsi hələ hazır deyil. Amma ilkin mərhələdə institutda erməni dilinin tədrisi məsələsi nəzərdə tutulub. Nizamnamənin hazırlanması gələn ilə qədər başa çatacaq. İnstitutda region ölkələri olan Gürcüstan və Ermənistanın tarixinin, dilinin araşdırılması nəzərdə tutulub. Yəqin ki, növbəti mərhələdə erməni və gürcü dilində bilən mütəxissislər də hazırlanacaq. İnstituta qəbul qaydaları ilə bağlı hələlik heç nə məlum deyil”.
Qeyd edək ki, dekabrın 10-da AMEA Rəyasət Heyətinin iclası keçirilib. Azərbaycan Respublikasının Qafqaz regionu ilə çoxcəhətli əlaqələrini ardıcıl və sistemli şəkildə tədqiq etmək məqsədilə AMEA-da Qafqazşünaslıq İnstitutu yaradılıb.
