Əməkdaşımızın hadisə yerindən verdiyi məlumata görə FHN-in yanğınsöndürənləri alovu ram etməyə çətinlik çəkirlər və yanğın şiddətlə davam edir. Əsən külək və yanar konstruksiyaların tezalışan olması yanğınsöndürənlərin işinə mane olur. Yanğın nəticəsində ölən, yanıq xəsarəti alanlar və tüstüdən zəhərlənənlər var. Hadisə yerinə 10-dan artıq yanğınsöndürən maşın, 3 təcili tibbi yardım biriqadası və FHN-in helikopteri də cəlb edilir.
***
Bakıda 16 mərtəbəli bina yanır.
Musavat.com-un məlumatına görə, Binəqədi rayonunun ərazisində, Azadlıq prospektində yerləşən 289 N-li binada yanğın başlayıb. Hadisə şahidlərinin verdiyi məlumata görə, yanğın binanın əsasən fasad hissəsini əhatə edir.
Qeyd edək ki, bu yanğın da Xətai rayonunda baş verən və binanın üzünə çəkilmiş penoplast ortüklərin yanması ilə şiddətlənən yanğının bənzəridir.
