Meksika səfirliyinin təşkilatçılığı ilə 24-28 noyabr tarixlərində Bakıda ilk dəfə olaraq Tekila festivalı keçiriləcək. Meksikanın Azərbaycandakı səfirliyindən “Həftə içi”nə verilən məlumata görə, mədəni təşviq proqramının bir hissəsi olan və Meksika haqqında daha çox məlumatın yayılması məqsədilə keçirilən tədbirə Maya restoranı, “İnturist” və “Fairmont” otelləri, eləcə də İdxal MMC dəstək verir. Həmçinin, səfirlik xatırladır ki, bu ilin oktyabr ayının sonu-noyabr ayının əvvəlində Bakıda ilk “Mezkal” dequstasiyası festivalı baş tutmuşdu.
“Tekila” Meksikanın Xalisko ştatındakı Tekila şəhərində yaranmış içkidir. “Mezkal” kimi, tekila göy agava adlanan bitkinin – Tekila agavasının şirəsinin qıcqırması və qovulması nəticəsində əldə edilir. Bu içki, Xalisko ştatı daxil olmaqla, Meksikanın 5 ştatında istehsal oluna bilər: Guanaxuato, Miçoakan, Nayarit, Tamaulipas. Demək olar ki, “Tekila” Meksikada ən məhşur və ölkəni dünyada ən çox tanıdan içkidir. “Tekila” adını qazanmaq üçün içkinin tərkibində ən azı 51 faiz agava mənşəli şəkər olmalıdır. Təmiz “Tekila” isə 100 faiz agava tərkiblidir. Qarışıq “Tekila”larda isə agava qarğıdalı siropu və şəkər qamışı ilə qarışdırılır.
Tekila agavasının illik istehsalı 900 min tona çatır və bu içkinin dünyaya təqdim olunmasında 300 min nəfər fəxrlə çalışır. “Tekila” hər kəsin zövqü üçün istehsal olunur.
Meksika səfirliyi hər kəsi, adıçəkilən tərəfdaşlarla birgə əməkdaşlıq əsasında, aşağıda qeyd olunan tarixlərdə Meksika mədəniyyətinin bu incə nümunəsini tanımağa dəvət edir.
Tekila dequstasiyası.
24 noyabr – Idxal MMC
25 noyabr – “Fairmont” otel
27 noyabr – Maya restoranı
28 noyabr – “Intourist” otel
