Bu gündən (5 may) başlayaraq rayon qeydiyyatında olan nəqliyyat vasitələrinin Bakı şəhərinə daxil olması məhdudlaşdırılır.
Elchi.az xəbər verir ki, bu məhdudiyyət 25 may tarixinə qədər davam edəcək.
Bakıya buraxılmayan rayon avtomobillərinin park edilməsi üçün paytaxtın şimal və cənub girişlərində xüsusi dayanacaqlar yaradılıb. Sürücü avtomobilini orada saxlayaraq ictimai nəqliyyatdan istifadə etməklə paytaxta gələ bilər.
Xatırladaq ki, I Avropa Oyunları zamanı da rayon qeydiyyatında olan avtomobillərin paytaxta daxil olmasına qadağalar tətbiq olunmuşdu.
