Bakıda təcili yardım avtomobilinin aşması nəticəsində bir nəfər xəsarət alıb.
Bakı Şəhər Baş Polis İdarəsinin Dövlət Yol Polisi İdarəsinin baş inspektoru Araz Əsgərli APA-ya bildirib ki, hadisə Səbail rayonu ərazisində qeydə alınıb. Hərəkətdə olan təcili tibbi yardım avtomobilinin aşması nəticəsində sürücü baş nahiyəsindən xəsarət alıb.
Hadisə yerinə Dövlət Yol Polisi İdarəsi və Rayon Polis İdarəsinin əməkdaşları cəlb olunub. Qurum rəsmisi qeyd edib ki, hadisə zamanı sürücü avtomobildə tək olub.
***
12.57
Bakıda təcili yardım maşını aşıb.
APA xəbər verir ki, hadisə Rəşid Behbudov küçəsində qeydə alınıb.
Hadisə nəticəsində xəsarət alanların olub-olmadığı barədə məlumat yoxdur.
