Bu il Bakının bolşevik-daşnak qüvvələrinin işğalından Qafqaz İslam Ordusunun azad etməsinin 97-ci ili tamam olur.
Qafqaz İslam Ordusu 1918-ci il sentyabrın 15-də Bakını Sentrokaspi Diktaturası qüvvələrindən azad edib.
Bu tarixi hadisədən sonra 1918-ci il mayın 28-də Tiflisdə istiqlaliyyəti elan olunmuş Azərbaycan Xalq Cumhuriyyətinin (AXC) hökuməti Gəncədən Bakıya yerləşib.
Bakının bolşevik-daşnak hərbi qüvvələrindən azad edilməsində Azərbaycana yardıma gəlmiş Osmanlı İmperiyası ordusunun bölmələrinin və onun komandanı Nuru Paşanın misilsiz xidmətləri olub.
Ümumiyyətlə, Osmanlı ordusunun Azərbaycana yardıma gəlməsi Rusiya İmperiyasının dağılmasından sonra azğınlaşan erməni daşnaklarının və bolşeviklərin Azərbaycanı məhv etmək planının qarşısını aldı.
1918-ci il sentyabrın 15-də Bakının işğaldan azad edilməsi üçün keçirilmiş əməliyyat zamanı 1130 nəfər şəhid olub.
Bakıda həlak olan Osmanlı əsgərlərinin şərəfinə Şəhidlər Xiyabanında Türk Şəhidliyi abidə-kompleksi yaradılıb.
