“Bakı”nın əsas kapitanı dəyişib.
Qol.Az-ın klubun rəsmi “Facebook” səhifəsinə istinadən yaydığı xəbərə görə, bundan sonra kapitanlıq sarğısını argentinalı yarımmüdafiəçi Horvat Lukas Mario daşıyacaq. Bundan əvvəl komandanın əsas kapitanı Aqil Məmmədov idi.
“Bakı”nın icraçı direktoru Yaşar Seyidov Qol.Az-a deyib ki, kapitanın nəyə görə dəyişməsi haqda onda məlumat yoxdur:
“Mən komandanın içində deyiləm, ona görə bilmirəm, kapitan nə üçün dəyişib”.
Y.Seyidov Aqil Məmmədov klubu tərk etmədiyini və komandanın düşərgəsində olduğunu da deyib.
