“Baku 2015” I Avropa oyunlarının açılışına bir neçə saat qalıb.
ANS PRESS-in məlumatına görə, bununla əlaqədar oyunların rəsmi “YouTube” səhifəsi canlı yayıma start verdi. Bakı-2015 I Avropa Oyunlarında ilk yarış başlayıb. Hazırda sinxron üzgüçülük üzrə Avropa komandaları öz proqramlarını təqdim edirlər.
Avropa Oyunlarında start xəttinə çıxacaq ilk Azərbaycan təmsilçiləri Tatyana Nikitina və Yekaterina Valiulina mübarizəyə 10-cu qoşulacaq.
Bundan əlavə sıfırıncı günün proqramında su polosu idman növü üzrə idmançılar öz bacarıqlarını göstərəcək. Daha sonra isə əlbətdəki oyunların rəsmi açılışının birbaşa yayımlanması yer alacaq.
Xatırladaq ki, 17 günlük yarışda qitənin ən yaxşı idmançıları (6 min idmançı) 20 idman növü üzrə mübarizə aparacaqlar.
Onlar sadəcə ilk Avropa Oyunlarının medalına sahib olmayacaqlar, eyni zamanda 12 idman növü üzrə Rio 2016 Olimpiya Oyunlarına vəsiqə qazanacaqlar.
