Aşağı yaş qrupuna alınan futbolçuların transferində qanunsuzluğa yol verdiyi üçün cəzalandırılan “Barselona” haqda yekun qərar verilib. İdman Arbitraj Məhkəməsi İspaniya nəhənginin cəzasında dəyişiklik etməyib.Bu isə o deməkdir ki, “Barselona” 2016-cı ilin yanvarına qədər transfer etmək hüququna malik olmayacaq. Kataloniya klubu həm bu qış, həm də gələn yay heç bir oyunçu ala bilməyəcək.
“Barselona” yalnız Dani Alveş kimi müqaviləsi bitmək üzrə olan oyunçularla yeni müqavilə imzalaya və digər klublarda icarədə olan futbolçularını qaytara bilər.
Qeyd edək ki, “Barselona” FİFA-nın klubla bağlı verdiyi transfer qadağasına görə dekabrın 5-də İdman Arbitraj Məhkəməsinə müraciət etmişdi (apasport.az).
