Sənə sevgim tükənməzdir, sənin gözəlliyini vəsf etmək üçün dünyada mövcud olan sözlər acizdir.
Bayraq sevgidir, bayraq qeyrətdir, bayraq cinsindən asılı olmayaraq hər bir vətəndaşı təmsil edən qürur mənbəyidir. İstənilən ölkənin milli şəxsiyyət vəsiqəsi onun bayrağıdır. Bir bayraq uğrunda canlar fəda olunarsa, o bayrağa qiymət kəsmək mümkün olmaz. Bir insanın yaşaması üçün can və ruh nə qədər əhəmiyyət kəsb edirsə, bayraq da bir ölkə üçün bu mənanı daşıyır.
Uşaqlıqdan bəri bayrağımızın gozəlliyi və şuxluğu hər zaman diqqətimi cəlb edib. Mən dəfələrlə istənilən müsabiqə və yarışlarda ecazkar bayrağımızın füsunkar, ürəkləri riqqətə gətirən himnimizin sədaları altında özünəməxsus ritmli şəkildə dalğalanmasının şahidi olmuşam.
Əbəs yerə Vətən torpağının ən alınmaz qalası olan yerlərdə, ən uca zirvələrdə bayraq sancılmır. Bayraq heç vaxt düşmən əlinə keçməməlidir. Əks halda sənin şərəfin və qeyrətin tapdalanmış hesab edilər. Bayraq haqqında söhbət açmaq cəsarət tələb edən önəmli mövzulardan biridir. Əhəmiyyətli, tərbiyəvi xarakter daşıyan mühüm məqamlardan ibarət olmalıdır bayraq haqqında istənilən yazı. Bayrağa sevgi ailədən, məktəbdən, təhsil ocaqlarından başlanmalı. Və ömürlük ürəyimizin başında tac kimi sevgimizi daim uca tutmalıyıq. Bayraq mövzusuna indiki dövrə qədər müxtəlif şairlerin və yazıçıların şeirlərində və eserlerinde rast gəlmək mümkündür.
Bir ölkənin bayrağının onun bütün qarış torpaqlarında dalğalanmasının nişanəsi kimi yozulur. Azadlıq üçün borclu olduğumuz şəhid qardaşlarımızın ruhu qarşısında baş əyib canı, qanı bahasına şərəflə dalğalanan bayrağımızın hər bir rəngindən öpmək bütün gənclər üçün bir borcdur. Biz gənc nəsil əsla unutmamalıyıq ki, şəhidlərin qanının yerdə qalmaması üçün bayrağımız daima dalğalanmalıdir.
Bayrağa sevgi və hörmət bəsləyən insan öz ailə bağlarının kökündə duran təmənnasız sevgini, qusursuz tərbiyəni daim öz davranışlarında gostermekdedir.
Sən hər zaman dalğalan.
Ey qelblerde taxt quran
Qorusun hər an səni
Qəlbi eşqinlə vuran
Dalğalandığın hər an mənim üçün zəfər bayramıdır!
Xatirə Səfər
