ABŞ-ın Ədliyyə naziri Merrik Qarland prezident Co Baydenin məxfi sənədləri ilə bağlı xüsusi prokuror təyin edib.
Elchi.az-ın Amerika mediasına istinadən məlumatına görə, Baydenin vitse-prezident olduğu vaxta aid gizli yazısı olan sənədlər Delaverdəki evində, həmçinin Penn-Bayden Analitik Mərkəzinin ofisində tapılıb.
Merilend ştatının keçmiş federal prokuroru, Tramp administrasiyası tərəfindən bu vəzifəyə təyin edilmiş Robert Hur xüsusi prokuror Vaşinqtonda özəl hüquq təcrübəsi ilə məşğuldur. Təyinatı elan edən Qarland bildirib ki, Ədliyyə Departamenti istintaqı təkbaşına idarə edə bilərdi, lakin fövqəladə hallar bu məsələdə xüsusi prokurorun təyin edilməsini tələb edir.
Bu təyinat ictimaiyyətə Ədliyyə Departamentinin xüsusilə həssas məsələlərdə hesabatlılığa sadiqliyini və yalnız faktları və qanunları rəhbər tutaraq qərarlar qəbul etdiyini vurğulayır”-deyə Qarland bildirib.
O, cənab Hurun öz vəzifəsini qərəzsiz yerinə yetirəcəyinə əmin olduğunu vurğulayaraq, təyin olunmuş xüsusi prokurora Ədliyyə Nazirliyi tərəfindən hərtərəfli dəstək vəd edib.
Ağ Ev xüsusi prokurorluqla tam əməkdaşlığa hazır olduğunu açıqlayıb.
Mətbuat konfransında Ağ Evin mətbuat katibi Karin Jean-Pierre, prezidentin sözügedən sənədlərini tapılan kimi Baydenin şəxsi vəkillərinin dərhal Milli Arxivə məlumat verdiyini bildirdi.
Yeganə
