ABŞ prezidenti Bayden İngiltərənin baş naziri Sunak ilə “vacib və müsbət” danışıqlar apardıqlarını bildirib.
Elchi.az xəbər verir ki, ABŞ prezidenti Co Bayden Böyük Britaniyanın baş naziri Rişi Sunak ilə “vacib və müsbət” danışıqlar apardıqlarını qeyd edərək , bir sıra məsələləri, xüsusilə iqtisadi əməkdaşlıq, süni intellekt sahəsindəki inkişafları və Ukraynaya verilən dəstəyi müzakirə ediblər.
İqtisadi əməkdaşlığı gücləndirmək üçün ABŞ və Böyük Britaniyadan yeni tərəfdaşlıq
Sunak və Bayden ikitərəfli görüşdən sonra Ağ Evdə birgə mətbuat konfransı keçiriblər .
İkitərəfli iqtisadi əlaqələri dərinləşdirmək və gələcəyi formalaşdıracaq əməkdaşlığı genişləndirmək üçün “əhəmiyyətli və müsbət” görüşlər keçirdiklərini bildirən Bayden, sürətlə dəyişən dünyada texnologiya və iqtisadiyyat sahələrində əməkdaşlığı müzakirə etdiklərini söyləyib.
İqtisadi əsaslı bir razılaşma olan “Atlantik Bəyannaməsi”ni dərc etdiklərini qeyd edən Bayden, razılaşmanın təmiz enerji, milli təhlükəsizlik üçün əhəmiyyətli olan yeni texnologiyalar və kritik minerallar üçün tədarük zəncirinin gücləndirilməsi kimi mövzulara diqqət yetirdiyini ifadə edib.
Nuranə Məmmədova
