ABŞ prezidenti Co Bayden bildirib ki, Vaşinqton Ukraynanın NATO-ya üzvlüyünü asanlaşdırmayacaq. O, qeyd edib ki, Kiyev alyans üzvlərinə şamil olunan bütün tələblərə cavab verməlidir.
Elchi.az bu barədə Mk.ru–ya istinadən bildirir.
Ağ Evin mətbuat xidmətinin məlumatına görə, Bayden Ukraynanın NATO-ya daxil olması ilə bağlı bir sıra islahatları nəzərdə tutan fəaliyyət planının Ukrayna üçün ləğv edilib-edilməyəcəyi sualına mənfi cavab verib.
“Biz onları asanlaşdırmayacağıq”,-deyən Bayden, Ukraynanın digər üzvlərlə eyni standartlara cavab verməli olduğunu bildirib.
Daha əvvəl “Politico” qəzeti xəbər vermişdi ki, NATO-nun baş katibi Yens Stoltenberq müttəfiqlərə Ukraynanın münaqişə bitdikdən sonra təşkilata daxil olmasını sürətləndirmək üçün alyansa üzvlüklə bağlı fəaliyyət planının ləğvi barədə razılığa gəlməyi özəl olaraq təklif edib. Eyni zamanda qəzet qeyd edib ki, guya ABŞ prezidenti Co Bayden Ukrayna üçün bu mexanizmin ləğvinə açıqdır.
Yeganə
