Hüquq-mühafizə orqanları ABŞ prezidentinin səfəri ərəfəsində terror aktları təhlükəsi barədə xəbərdarlıq ediblər.
Elchi.az xəbər verir ki, aprelin 11-də Londonderri şəhərinin qəbiristanlığında Şimali İrlandiyada əldəqayırma bombalar tapılıb, bu barədə yerli polis hadisənin ABŞ prezidenti Co Baydenin səfərinə hazırlıq fonunda baş verdiyini qeyd edib.
“Polis Creggan bölgəsindəki bir şəhər qəbiristanlığında ictimai təhlükəsizlik əməliyyatı zamanı 4 boru bombası aşkar etdi” deyən hüquq-mühafizə orqanları bombaların zərərsizləşdirilərək məhkəmə-tibbi ekspertizaya göndərildiyini qeyd edib.
Ötən həftə hüquq-mühafizə orqanları Amerika lideri və Böyük Britaniyanın baş naziri Rişi Sunakın səfəri ərəfəsində Şimali İrlandiyada terror aktları təhlükəsi barədə xəbərdarlıq etmişdilər.
Hazırda Şimali İrlandiyada Belfast sazişinin imzalanmasının 25-ci ildönümü ilə bağlı çıxışlar keçirilir. Ötən bazar ertəsi, aprelin 10-da etirazçılar Londonderridə polis maşınına bir neçə molotov kokteyli atıblar, aprelin 11-də isə yanğın bombalarından, daşlardan və butulkalardan istifadə edilib və iki avtomobilə ziyan dəyib.
Xatırladaq ki, xəbər verildiyi kimi, adanın şimal hissəsindən olan etnik irland nəslindən olan Baydenin səfəri Belfast Sazişinin (“Yaxşı Cümə Sazişi”) ildönümünə təsadüf edir.
Şayəstə
