Elchi.az Türkiyə mətbuatına istinadən xəbər verir ki,Türkiyənin ilk pilotsuz döyüş təyyarəsi “Qızıl alma”, Tekirdağın Çorlu şəhərindəki Akıncı Uçuş Tədris və Sınaq Mərkəzində dördüncü uçuşunu həyata keçirib.
Baykarın açıqlamasına görə, Baykarın milli və sırf öz imkanları ilə inkişaf etdirdiyi pilotsuz döyüş təyyarəsi “Qızıl alma”nın uçuş sınaq kampaniyası planlaşdırılan istiqamətdə davam edir. Kampaniya çərçivəsində həyata keçirilən dördüncü uçuşla Sistem İdentifikasiyası Testi uğurla tamamlandı.
Bu günə qədər iki prototipi uğurla istehsal edilən “Bayraktar Qızıl alma”-nın inkişaf və istehsal fəaliyyətləri davam edir. Milli pilotsuz döyüş təyyarəsinin 2024-cü ildə kütləvi istehsalına başlanılması hədəflənir.
Aprelin 10-da keçirilən inventar qəbul mərasimində dünyanın ilk SİHA gəmisi olacaq TCG Anadolu-nun uçuş göyərtəsində “Bayraktar Qızıl alma” və “Bayraktar TB3” SİHA yerlərini aldılar. Mərasimdə ikinci prototipi istehsal edilən “Bayraktar Qızıl alma” pilotsuz döyüş təyyarəsinin 2025-ci ildə TCG Anadolu gəmisindən uçuş sınaqlarına başlaması gözlənilir.
Nuranə Məmmədova
