Ötən il Azərbaycandakı bazar və yarmarkalarda istehlakçılar tərəfindən 9,513 mlrd. manat xərclənib.
Dövlət Statistika Komitəsinin verdiyi məlumata görə, 2020-ci illə müqayisədə bu göstərici 2,1% azalıb.
Təkcə dekabr ayında istehlakçılara 844,2 mln. manatlıq məhsul satılıb ki, bu da noyabr ayı ilə müqayisədə 25% çoxdur.
Qeyd edək ki, ötən il bazar və yarmarkalarda aparılan ticarət əməliyyatları ümumi pərakəndə ticarət dövriyyəsinin 21,5%-ni təşkil edib.
Xatırladaq ki, 2021-ci ildə pərakəndə ticarət şəbəkəsində istehlakçılara 44,2 mlrd. manatlıq mallar satılıb. Bu, illik müqayisədə 3,2% çoxdur.
