Belçika Kahramanmaraşdakı zəlzələlərdən zərər çəkmiş bölgəyə gündə 100-dən çox xəstəni müalicə edə biləcək sahə xəstəxanası göndərəcək.
Elchi.az xəbər verir ki, Belçika Xarici İşlər Nazirliyindən edilən yazılı açıqlamaya görə, Kahramanmaraşda ümumilikdə 10 əyaləti təsir edən 7,7 və 7,6 bal gücündə zəlzələlər səbəbilə göndəriləcək səhra xəstəxanası ən geci 16 fevral tarixindən etibarən fəaliyyətə başlayacaq və bir neçə həftə sahədə qalacaq .
Ekspedisiya xəstəxananın harada tikilə biləcəyini müəyyən etmək üçün bu gün Melsbroek hərbi hava limanından yola düşəcək.
Sahə xəstəxanasını qurmaq üçün səhiyyə işçilərindən ibarət ikinci qrup və materialları 11-12 fevral tarixlərində Belçikadan yola düşəcək.
Xəstəxana gündə 100-dən çox xəstəni müalicə edə biləcək və ən azı 20 xəstənin gecəni müşahidə altında keçirməsinə şərait yaradacaq.
Komandaya təcili cərrahiyyə üzrə ixtisaslaşmış tibb bacıları və digər özəl tibb işçiləri tərəfindən dəstəklənən belçikalı həkimlər daxildir.
“Ana və uşaq” xüsusi bölməsinin daxil olacağı komanda ümumilikdə 70-80 nəfərdən ibarət olacaq.
Şayəstə
