Benzinlərin hər tonu üçün olan aksiz dərəcələri azaldılıb
Nazirlər Kabinetinin yeni qərarı ilə ölkəyə gətirilən bir sıra məhsullar üçün aksiz dərəcələri atırılıb.
ANS TV-nin məlumatına görə, bura spirtli içkilər və tütün məmulatları aiddir. Bu addım həmin məhsulların bahalaşmasına səbəb olacaq. Ölkəyə gətirilən benzin üçün isə müəyyən olunan aksiz vergisi azaldılıb.
Yeni qərara əsasən 95-dən az oktanlı avtomobil benzinlərin hər tonu üçün aksiz dərəcələri 200 manat, 95-dən çox, 98-dən az oktanlı benzinlər üçün 80 manat, 98-dən çox oktanlı benzinlər üçün 120 manat müəyyən olunub. Hər 3 benzin növü üçün indiyədək müəyyən olunan qiymətlər 250 dollar olub. tərkibində qurğuşunun miqdarı 0,013 q-dan çox olan benzinlər üçün də eyni qiymət müəyyən olunub. Digər benzin növlərinə gəlincə indiyədək 1 dollar həcmində müəyyən olunan aksiz dərəcəsi bundan sonra 1 manat dəyərində qiymətləndiriləcək.
Xatırladaq ki, bir müddət öncə yol vergisi ləğv edilərək yanacağın üzərinə əlavə olundu. Ardınca Tarif Şurasının qərarı ilə ölkədə yanacağın qiyməti hər litri üçün 2 qəpik artırıldı. Çox keçmədən Dövlət başçısı yol vergisinin istehlakçıların hesabına ödənməsi qərarını ləğv etdi və hər litrə görə 2 qəpiyi istehsalçı və idxalçı ödəməli oldu.
Ekspertlərin fikrincə aksiz vergisinin azadılması ilə bağı Nazirlər Kabinetinin qərarı istehsalçıların yükünün azaldılması məqsədi daşıyır. Vergi manatla müəyyən olunmasına gəlincə mütəxəssislərin fikrincə bu dolların kursundakı enişlə bağlıdır.
ANS TV
