İtaliyanın keçmiş baş naziri Silvio Berluskoniyə qanyaradıcı sistemin bədxassəli zədələnməsi – leykemiya və ya qan xərçəngi diaqnozu qoyulub. Elchi.az xəbər verir ki, bu barədə İtaliyanın “Corriere della Sera” qəzeti məlumat yayıb.
Nəşr xatırladır ki, siyasətçi ərəfədə mümkün pnevmoniya səbəbilə Milandakı San Raffaele klinikasının kardioloji reanimasiya şöbəsinə aparılıb. Qəzetin yazdığına görə, Berluskoni sonuncu xəstəxanaya yerləşdirildikdən bir həftə sonra Q binasının reanimasiya şöbəsinə yerləşdirilib. Corriere della Sera məlumat mənbəyini qeyd etmədən yazır ki, keçmiş baş nazir sümük iliyi də daxil olmaqla sınaqdan keçirildi. Qəzet bu baxımdan siyasətçini narahat edən ağrıların və sətəlcəmin leykemiya səbəbiylə bədənin ümumi zəifləməsi ola biləcəyinə diqqət çəkir.
Martın 30-da Berluskoni Milan klinikalarından birindən buraxılıb, martın 28-də müayinə üçün xəstəxanaya yerləşdirilib. İrəli İtaliya partiyasının lideri 86 yaşlı siyasətçi martın 27-də ağrılardan şikayətlənib. Onun tibb müəssisəsinə təkbaşına getdiyi dəqiqləşir.
Havar Şəfiyeva
