“Beşiktaş”ın baş məşqçi postuna namizədlərdən birinin adı məlum olub.
Elchi.az xəbər verir ki, “Yeni Asır”ın iddiasına görə, “qara qartallar”ın “sükanı” Fatih Terimə tapşırıla bilər.
“Beşiktaş”da dekabrda növbədənkənar prezident seçkiləri keçiriləcək. Adı ictimaiyyətə açıqlanmayan namizədlərdən biri təcrübəli mütəxəssislə görüşərək plan qurub. Həmin şəxs klub rəhbəri seçilərsə, baş məşqçi postuna dərhal Fatih Terimi təyin etmək istəyir.
Türkiyə millisinin və “Qalatasaray”ın sabiq məşqçisinin “Beşiktaş”da işləməyə razılıq verdiyi qeyd edilir. Fatih Terimə yeni komanda qurmaq üçün 50 milyon avroluq transfer büdcəsi ayırılacağı da bildirilir.
Qeyd edək ki, “Beşiktaş”ın Avropa Liqasında “Luqano”ya 2:3 hesablı məğlubiyyətindən sonra baş məşqçi Şenol Günəş və klub prezidenti Ahmet Nur Cəbi istefa verib.
