Çinin yüksəlişi və Rusiyanın revanşizmi ilə ABŞ dünyada danılmaz üstünlüyünü itirdi. Elchi.az xəbər verir ki, bu barədə ABŞ Mərkəzi Kəşfiyyat İdarəsinin direktoru Uilyam Börns “Foreign Affairs” nəşrinə yazdığı məqalədə yazıb.
Onun sözlərinə görə, bu gün texnologiyada sənaye inqilabını və ya nüvə əsrinin başlanğıcını üstələyən bir inqilab var.
“Yeni texnologiyalar dünyanı, o cümlədən kəşfiyyat peşəsini dəyişir. Bir çox cəhətdən, bu hadisələr “CIA”-nın işini həmişəkindən daha çətinləşdirir, düşmənlərə bizi çaşdırmaq, qaçmaq və casusluq etmək üçün güclü yeni alətlər verir, deyə o etiraf edib.
Məqalədə o, həmçinin qeyd edib ki, 2024-cü il Ukrayna üçün dözüm sınağı olacaq, bu səbəbdən də Qərb Kiyevə hərbi təchizatı artırmalıdır.
