Kriptovalyuta Bitcoin-in qiyməti ABŞ Federal Ehtiyat Sisteminin (FED) qarşıdakı dövrdə atacağı addımlarla bağlı qeyri-müəyyənliklər səbəbilə ucuzlaşaraq 65 min dolların altına düşüb.
Elchi.az xəbər verir ki, Coinmarketcap analiz şirkətinin məlumatına görə, Bitcoin də daxil olmaqla qlobal kriptovalyuta bazarının dəyəri 24 saat ərzində 6,7 faiz azalaraq 2 trilyon 460 milyard dollara düşüb.
Analitiklər bildirirlər ki, Bitcoin və digər kriptovalyutaların qiymətlərindəki eniş FED-in iyun ayında faiz dərəcələrini azaltmağa başlayacağına dair gözləntilərin azalması və təqvimlə bağlı qeyri-müəyyənliyin artması ilə bağlıdır.
Son 24 saatda qiyməti 7,4 faizdən çox ucuzlaşan bitkoin, bu gün CET vaxtı ilə 16,40-a kimi 64 min 712 dollar səviyyəsinə düşüb.
Bitcoin keçən il təxminən 157 faiz dəyər qazanıb.
Bazar dəyərinə görə 2-ci yerdə olan Ethereum, son 24 saatda dəyərinin yüzdə 10-a yaxınını itirərək 3 min 242 dollar səviyyəsinə düşüb.
Ethereum da 2021-ci ildə 4800 dollardan yuxarı qalxaraq rekord qırıb.
Şayəstə Hüseynova
