“Bu gün “Rəqəmsal bacarıqlar” layihəsi çərçivəsində məktəblərimizdə 300 min şagird proqramlaşdırma öyrənir”.
Elchi.az xəbər verir ki, bunu Elm və Təhsil naziri Emin Əmrullayev deyib.
Nazir özünün “Facebook” hesabından etdiyi paylaşımda məktəblərdə təhsil alan şagirdlərin rəqəmsal bacarıqlarının növbəti illərdə daha da artacağına əminliyini ifadə edib:
“”h0ur_of.(ode:” – ilk baxışdan anlaşılmaz görünə biləcək bu “işarələr” Azərbaycanın gələcək nəslinin uğuruna işarə edir. Bu gün “Rəqəmsal bacarıqlar” layihəsi çərçivəsində məktəblərimizdə 300 min şagird proqramlaşdırma öyrənir. Bu göstərici növbəti illərdə bir xeyli artacaq.
Əgər ölkənin məktəblərində 300 min uşaq kodlaşdırma öyrənirsə, mütləq ki, bizi daha uğurlu rəqəmsal gələcək gözləyir. Sadəcə, bir az səbirli olmalı və müəllimlərimizlə bu faydalı işi hər gün görməyə davam etməliyik”.
