Birləşmiş Millətlər Təşkilatının (BMT) Fələstin üzrə xüsusi məruzəçisi Francesca Albanese ABŞ-da universitetlərdə Fələstinə dəstək nümayişlərinə polisin sərt müdaxiləsindən dəhşətə gəldiyini bildirib.
Elchi.az xəbər verir ki, Albanese ABŞ-dakı nümayişlərə polisin sərt reaksiyasını əks etdirən görüntüləri X sosial media platformasında paylaşıb.
Xarici bir ölkə tərəfindən törədilən soyqırıma qarşı ABŞ universitetlərində keçirilən etiraz aksiyalarına polisin zorakılıqla müdaxiləsindən dəhşətə gəldiyini qeyd edən Albanese, bu vəziyyətin mümkün qədər pis bir reallıq olduğunu vurğulayıb.
Tələbə və alimlərin təhlükəsiz olması lazım olduğuna diqqət çəkən Albanese, “(Qəzzada) soyqırım bitsin. Ədalət və ağıl qalib gəlsin” deyib.
Şayəstə Hüseynova
