BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) verdiyi açıqlamada, Qəzzaya yanacağın girişinin təmin edilməsinin vacibliyi vurğulanıb.
Elchi.az bu barədə Trthaber.com-a istinadən xəbər verir.
Açıqlamada qeyd olunub ki, UNRWA-nın yanacağı üç gün ərzində tükənəcək və bu, Qəzza zolağında humanitar reaksiyamız üçün çox vacibdir. Yanacaq olmadan su, işləyən xəstəxanalar və çörəkxanalar olmayacaq. Yanacaq olmadan yardımlar onlara çatmayacaq. Yanacaq olmasa, humanitar yardım da olmayacaq.
UNRWA-nın Qəzza zolağında ən böyük humanitar yardım təşkilatı olduğu ifadə edilən bəyanatda bildirilib ki, yanacaq çatışmazlığı qadınları, uşaqları və Qəzza xalqını daha da çətin duruma salacaq. Bu, ola bilməz və olmamalıdır”.
Bəyanatda humanitar yardımın davam etdirilməsinin əhəmiyyətinə toxunularaq qeyd olunub: “Bütün tərəfləri və onlara təsir edənləri humanitar müdaxilənin iflasa uğramaması üçün Qəzza zolağına yanacaq daşımalarının istifadəsinə dərhal icazə verməyə çağırırıq”.
Açıqlamada UNRWA-nın Qəzzada didərgin düşmüş təxminən 500 min insana xidmət göstərdiyi vurğulanıb.
Yeganə
