BMT baş katibinin humanitar məsələlər üzrə müavini Martin Qriffits İsrailin Qəzza zolağındakı Cebaliya qaçqın düşərgəsinə hücumunu vəhşilik adlandırıb. Elchi.az xəbər verir ki, bu barədə RİA Novosti məlumat yayıb.
“Cəbaliya qaçqın düşərgəsinə edilən son hücumlardan sonra Qəzzada onlarla mülki itki qeydə alınıb. Bu, döyüşlərin getdikcə daha dəhşətli mərhələyə qədəm qoyduğu Qəzza əhalisinin başına gələn ən son vəhşilikdir”, – deyə baş katibin müavini bildirib.
Qeyd edək ki, daha əvvəl, İsrail Müdafiə Qüvvələri Qəzza zolağının şimalındakı Cebaliya qaçqın düşərgəsini vurduqlarını etiraf edib.
Havar Şəfiyeva






