Birləşmiş Millətlər Təşkilatı (BMT) Sudanda tibb işçilərinə hücumlardan dərin narahatlığını ifadə edib.
Elchi.az Anadolu Agentliyinə istinadən xəbər verir ki, BMT-nin sözçüsü Stefan Dujarrik gündəlik mətbuat konfransında mövzu ilə bağlı açıqlama verib.
BMT-nin Humanitar Məsələlər üzrə Koordinasiya Ofisindən (OCHA) əldə edilən məlumata görə, Dujarrik Sərhədsiz Həkimlər qrupunun Xartumda hədəf alındığını və sözügedən komandanın Sudandakı türk xəstəxanasına tibbi ləvazimat daşıyarkən hücuma məruz qaldığını bildirib .
Düjarrik türk xəstəxanasının Xartumda hələ də fəaliyyət göstərən iki xəstəxanadan biri olduğunu ifadə edərək , ” Tibb işçilərinə və obyektlərinə hücum beynəlxalq humanitar hüququn pozulmasıdır”,-ifadəsini işlədib.
Nuranə Məmmədova
