Bu gün Bakı-2015 I Avropa Oyunlarında boks yarışlarının 1/4 final mərhələsi keçrilir.
Apasport.az saytının məlumatına görə, 56 kq çəki dərəcəsində Azərbaycanı təmsil edən Avropa çempionatının gümüş mükafatçısı Tayfur Əliyev 1/4 finalda Danimarka idmançısı Frederik Yansenlə qüvvəsini sınayıb. Hər 3 raund təmsilçimizin xeyrinə olub – 3:0 (29:28; 29:28; 29:28). Bununla da boksçumuz ən azı bürünc medalı təmin edib.
Qeyd edək ki, 49 kq çəkidə Avropa və dünya çempionu Salman Əlizadə mübarizəyə 1/4 finalda irlandiyalı Brendan İrvin 2:1 (29:28; 28:29; 29:28) hesabı ilə uduzub.
