Cənubi Amerika ölkəsi Boliviya Qəzzaya davam edən hücumlara görə İsraillə diplomatik əlaqələrini kəsdiyini açıqlayıb. Mövzu ilə bağlı bəyanatı Prezidentin mətbuat katibi Mariya Nela Prada və xarici işlər nazirinin müavini Freddi Mamani keçirdiyi birgə mətbuat konfransında verib.
Elchi.az xəbər verir ki, İsrailin blokada altındakı Qəzzaya qarşı qırğınları 26-cı gündə davam edərkən, Boliviya bu ölkə ilə diplomatik əlaqələrini kəsdiyini açıqlayıb.
Prezidentin sözçüsü Maria Nela Prada və xarici işlər nazirinin müavini Freddi Mamani birgə mətbuat konfransında İsraillə diplomatik əlaqələri kəsmək qərarına gəldiklərini açıqlayıblar.
Mamani bu mətbuat konfransını Yaxın Şərqdəki təhlükəli hadisələrə görə keçirdiklərini ifadə edərək, “Boliviya İsrail Dövləti ilə diplomatik əlaqələri kəsməyə qərar verdi. Ölkəmiz daha əvvəl Fələstin məsələsi ilə bağlı iki rəsmi açıqlama vermişdi “-deyib.
Birləşmiş Millətlər Təşkilatının (BMT) insan haqları konvensiyasını xatırladan Mamani, “Boliviya Ümumdünya İnsan Haqları Bəyannaməsində yer alan bütün qəddar, qeyri-insani və ləyaqəti alçaldan rəftarları rədd edir”- qiymətləndirməsini edib.
Nuranə Məmmədova
