Ağ Evin keçmiş milli təhlükəsizlik müşaviri Con Bolton deyib ki , Ukraynanın NATO-ya üzvlüyü barədə danışmaq vaxt itkisidir .
Elchi.az xəbər verir ki, bu barədə RİA Novosti məlumat yayıb.
Onun sözlərinə görə, Şimali Atlantika Alyansı heç vaxt hərbi münaqişə vəziyyətində olan dövləti təşkilata qəbul etməyib. Əks halda, bu, Şimali Atlantika Müqaviləsi 5-ci maddəsində göstərildiyi kimi, bütün NATO üzvlərinin münaqişəyə girməli olması demək olardı.
“Hesab edirəm ki, bütün bunlar (Ukrayna və NATO haqqında danışarkən) böyük vaxt itkisidir və Rusiyaya alyansdakı fikir ayrılıqları barədə siqnaldır”, – Bolton bildirib.
Bundan əvvəl Ukrayna prezidentinin aparatının rəhbərinin müşaviri Mixail Podolyak bildirib ki, Kiyev NATO-nun Vilnüsdə keçirilən sammitində alyansa qoşulmaq üçün dəvət almadıqlarına təəccüblənməyib.
Nuranə Məmmədova
