Avropa İttifaqı Çinin yüksəlişindən qorxmur, Birliyin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell həftəlik bloqunda bildirib. Elchi.az Lent.ru-ya istinadən xəbər verir.
“Biz Çinin yüksəlişindən qorxmuruq. Lakin biz bilirik ki, sabahkı dünyanın tarixi də Çinin öz gücündən necə istifadə etməsindən asılı olacaq”. Siyasətçi həmçinin Pekini sülh və təhlükəsizlik üçün məsuliyyəti öz üzərinə götürməyə çağıraraq, beynəlxalq ictimaiyyətin koronavirus pandemiyasının nəticələrini aradan qaldırmalı və iqlim dəyişikliyi problemini həll etməli olduğunu vurğuladı.
Borrell əlavə edib ki, Pekin və Aİ arasında iqtisadi əlaqələrin gücünə baxmayaraq, balanssızlıq var. O, assosiasiyaya üzv ölkələrin lazım gələrsə, ədalətsiz hərəkətlərdən qorunmaq üçün tədbirlər görməyə hazır olduqlarını qeyd edib. “Biz vahid Çin siyasətinə əsaslı olaraq sadiq qalırıq. biz bunu sorğulamaq üçün heç bir əsas görmürük… Bununla belə, status-kvonun güc yolu ilə dəyişdirilməsi cəhdi qəbuledilməz olacaq”, – deyə siyasətçi bildirib.
Havar Şəfiyeva
