Fələstin dövlətinin yaradılması və onun Qəzza zolağına nəzarəti İsrail üçün təhlükəsizliyin ən yaxşı təminatıdır. Elchi.az xəbər verir ki, bu barədə Avropa İttifaqının xarici siyasət xidmətinin rəhbəri Xosep Borrel “Financial Times” qəzetinə yazdığı məqalədə bildirib.
Onun fikrincə, Qəzzanın bütün regionda sabitliyi poza biləcək nəzarətsiz silahlı qrupların əlinə keçməsinin qarşısını almaq üçün bu ərazi öz xalqını təmsil edən dövlət tərəfindən idarə olunmalıdır.
Borrell həmçinin Fələstin Muxtariyyətini zəiflətməkdən çəkinməyin vacibliyini vurğulayıb.
Qeyd edək ki bundan əvvəl Aİ-nin xarici siyasət xidmətinin rəhbəri İsrail prezidenti İsaak Hersoqla söhbətini təsvir edərək, onun Fələstinin tərəfdarı olduğunu bildirib.
Havar Şəfiyeva
