Britaniyanın Hind-Sakit Okean üzrə dövlət katibi Anne-Mari Trevelyan deyib ki, Avstraliya nüvə sualtı qayıqları ilə regional təhlükəsizlik öhdəliklərini təmin edəcək.
Elchi.az xəbər verir ki, bu barədə Trevelyan, Avstraliyada yerləşən Milli Mətbuat Klubuna Avstraliya ilə ABŞ və Böyük Britaniya arasında nüvə texnologiyasını ehtiva edən AUKUS müqaviləsi ilə bağlı açıqlamalar verib.
Bunun “maraqlı layihə” olacağını bildirən Trevelyan, 8 nüvə enerjisi ilə işləyən sualtı qayığın Avstraliyaya çatdırılması üçün 3 ölkənin yaxından çalışacağını bildirib.
Trevelyan vurğulayıb ki, nüvə sualtı qayıqları “Avstraliyanın təkcə Avstraliya üçün deyil, həm də Hind-Sakit okean regionu və Sakit okean adaları üçün təhlükəsizlik öhdəliyinin şübhəsiz olmasını təmin edəcək”.
Bu ay Fransa prezidenti Emmanuel Makron Avstraliyanın nüvə keçidini ölkəsi ilə sualtı razılaşmanı pozaraq, ABŞ və İngiltərə ilə razılaşmanı “Çinlə münaqişə” kimi qiymətləndirib.
Trevelyan isə bu mövzuda Makronla razılaşmadığını ifadə edərək, “Sakit okean böyük bir yerdir. “Nüvə enerjisi ilə işləyən sualtı qayıqlara sahib olmaq o deməkdir ki, siz daha uzun müddətə daha da irəli gedə bilərsiniz, bu, praktiki məsələdir.” ifadələrdən istifadə etmişdir.
2021-ci ilin sentyabrında Avstraliya 12 şərti dizel-elektrik sualtı qayığın inşası üçün Fransız Dəniz Qrupu ilə 90 milyard Avstraliya dolları məbləğində müqaviləni ləğv etdi və İngiltərə və ABŞ ilə AUKUS kimi tanınan müdafiə müqaviləsini imzaladı.
AUKUS müqaviləsi çərçivəsində 8 nüvə sualtı qayığından birincisinin 2040-cı ilə qədər təhvil verilməsi gözlənilir.
Şayəstə
