Böyük Britaniyanın Sağlamlıq Təhlükəsizliyi Agentliyinin (UKHSA) verdiyi məlumata görə, İngiltərənin bir neçə bölgəsində şiddətli meningitə bənzər simptomlara səbəb ola bilən gənə virusu aşkar edilib.
Elchi.az xəbər verir ki, qurum insanlara çöldə olduqdan sonra mütəmadi olaraq paltarlarını və bədənlərində gənə olub olmadığını yoxlamağı tövsiyə edib.
O, həmçinin gənə virusunun yayılmasının qarşısını almaq üçün xəstəxanalarda testlərin dəyişdirilməsini tövsiyə edib.
BBC-nin verdiyi məlumata görə, İngiltərə və Şotlandiyada səhiyyə agentliyinin verdiyi həyəcan siqnalından sonra virusun təkmil aşkarlanması üzrə araşdırma aparılır.
Gənələr gənə ensefaliti və Lyme xəstəliyi də daxil olmaqla bir sıra xəstəlikləri daşıya bilər.
Hesabatda deyilir ki, səhiyyə işçiləri Yorkşir əyalətinin bəzi bölgələrində simptomsuz insanlardan alınan qan nümunələrində virusun olub-olmadığını yoxlayıblar və orada bir hadisə təsdiqlənib.
2019-cu ildən bəri İngiltərədə əldə edilən üç mümkün və ya təsdiqlənmiş gənə ensefaliti hadisəsi aşkar edilmişdir, UKHSA keçən il ilk hadisənin İngiltərədə təsdiqləndiyini söyləyib.
Virus Həmpşir/Dorset və Norfolk bölgələrində də aşkarlanıb.
Gənələrin daşıdığı virus dünyanın bir çox ölkəsində yayılmışdır.
Virusun simptomlarına asemptomatik infeksiya və bəzi hallarda baş ağrısı, boyun sərtliyi, çaşqınlıq və ya huşsuzluqla müşayiət olunan yüksək hərarət kimi mərkəzi sinir sisteminin ağır infeksiyası daxildir.
Şayəstə
