Böyük Britaniyada bir sıra mühüm marşrutlar üzrə hərəkət edən qatarların maşinistləri tətil elan edib.
Elchi.az xəbər verir ki, bu barədə məlumat xarici KİV-də yayılıb.
Qeyd olunur ki, sərnişin qatarları maşinistlərinin tətil planı ilə əlaqədar aprelin 8-də Böyük Britaniyada bir sıra mühüm marşrutlar üzrə qatarların hərəkətində fasilələr yarana bilər.
Xatırladılır ki, bu, britaniyalı maşinistlərin son 4 gündə 3-cü tətil qərarıdır.
Bildirilir ki, “Aslef” Həmkarlar İttifaqı tərəfindən təşkil olunan tətil nəticəsində cənub-şərqi İngiltərədə qatar reyslərinin sayı əhəmiyyətli dərəcədə azalacaq.
Əmək mübahisələri ilə bağlı təşkil olunan tətilə “c2c”, “Gatwick Express”, “Greater Anglia”, “Southeastern”, “Southern”, “South Western Railway”, “Great Northern” və “Thameslink” operatorlarının maşinistləri qoşulub.
Havar Şəfiyeva
