Braziliyanın xarici işlər naziri Mauro Vieira 2024-cü ilin noyabrında keçiriləcək G20 sammitində Braziliyanın Rusiya prezidenti Vladimir Putini qəbul etməkdən məmnun qalacağını bildirib. Elchi.az bu barədə RİA Novosti-yə istinadən xəbər verir.
“Əgər Putin gəlmək istəsə, onu qəbul etməkdən çox şad olarıq” deyən diplomat Rusiya liderinin Beynəlxalq Cinayət Məhkəməsinin üzvü olan Braziliyaya gəldikdən sonra həbs olunmayacağına ümid etdiyini bildirib.
Qeyd edək ki, bundan əvvəl Braziliya prezidenti Luis İnasio Lula da Silva Putinin gələn il G20 sammitinə dəvət ediləcəyini, lakin Braziliyanın Beynəlxalq Cinayət Məhkəməsinin Roma Nizamnaməsinə sadiq qaldığı üçün beynəlxalq nizamın nəticələri ilə üzləşməli olacağını deyib.
Havar Şəfiyeva
