Britaniya ümid edir ki, Türkiyə Prezidenti Rusiyanı taxıl sazişinin müddətinin uzadılması üçün yenidən danışıqlara cəlb edə biləcək.
Elchi.az xəbər verir ki, bunu Böyük Britaniyanın xarici işlər naziri Ceyms Kleverli deyib.
“Mən həqiqətən ümid edirəm ki, Türkiyə Prezidenti Rəcəb Tayyib Ərdoğan Rusiyanı Qara Dəniz Taxıl Təşəbbüsünün əhəmiyyətinə inandıra bilər. Çünki bu, insanları aclıqdan xilas etməyə və beynəlxalq taxıl qiymətlərini aşağı salmağa kömək edir”, – Kleverli bildirib.
O əlavə edib ki, Ərdoğan BMT ilə birlikdə taxıl təşəbbüsünün təmin edilməsində dünyada bir çox insan adına inanılmaz dərəcədə mühüm iş görüb.
