Böyük Britaniya Vaqner PMC-nin rəhbəri Yevgeni Priqojinin təşkil etdiyi silahlı üsyanı son dövrlərdə Rusiyaya qarşı ən ciddi çağırış adlandırıb. Elchi.az Reuters-a istinadən xəbər verir ki, Britaniya Müdafiə Nazirliyi hadisələrlə bağlı qeyd edib:
“Yaxın saatlarda Rusiya təhlükəsizlik qüvvələrinin, xüsusən də Rusiya Qvardiyasının sədaqəti bu böhranın daha da inkişafı üçün kritik rol oynayacaq”.
Bundan əvvəl Rusiya prezidenti Vladimir Putin videomüraciət edərək Priqojini silahlı üsyanda ittiham edib və onun bütün təşkilatçılarını cəza ilə hədələyib. Dövlət başçısı Rusiya Silahlı Qüvvələrinə lazımi əmrlər verdiyini və ölkəni müdafiə edəcəyinə söz verdiyini bildirib.
Havar Şəfiyeva





